Hagnýting gervigreindar á Alþingi

Skrifstofa Alþingis hefur gert samning við DataLab um hagnýtingu gervigreindarlausna í starfsemi skrifstofunnar. DataLab mun vinna aðgerðaáætlun um hagnýtingu gervigreindar til allt að tveggja ára, sem verður unnin á grundvelli samtala við starfsfólk skrifstofu Alþingis og rýni á ýmsum gögnum auk þess að taka tillit til nýjustu strauma á sviði upplýsingatækni og gervigreindar.

Meðfylgjandi mynd var tekin í desember sl. og sýnir þau Rögnu Árnadóttur, skrifstofustjóra Alþingis, og Brynjólf Borgar Jónsson, framkvæmdastjóra DataLab, handsala samstarfið.

Aðgerðaáætlun um hagnýtingu gervigreindar samanstendur af stöðumati, raunhæfum markmiðum, úrbótaverkefnum og kortlagningu tækifæra til að hagnýta gervigreind.

• Gert verður stöðumat og sett fram raunhæf markmið á lykilþáttum sem styðja við hagnýtingu gervigreindar í starfsemi skrifstofu Alþingis.
• Skilgreind verða úrbótaverkefni sem ráðast þarf í til að ná þessum markmiðum.
• Að lokum verða tækifæri til að hagnýta gervigreind í starfseminni skilgreind, útfærð og þeim forgangsraðað. 

Fjallað er um samstarfið á vef Alþingis.

Hér má fá ítarlegri upplýsingar um Vegvísi frá DataLab.