Ráðgjöf um hagnýtingu gervigreindar

Fjórar stoðir stöðumats DataLab

DataLab hefur þróað ramma til að gera almennt stöðumat fyrirtækja gagnvart hagnýtingu gagna og gervigreindar. Stöðumat með þessum ramma er hluti af Vegvísi.

• 1. Stuðningur við stefnu og framtíðarsýn

  Setja fram skýra sýn um hagnýtingu gagna og gervigreindar sem styður við markmið og stefnu fyrirtækisins / stofnunarinnar til lengri tíma.

  Skilgreina árangursmælikvarða svo hægt sé að fylgjast með og hafa markviss áhrif á framvinduna. Tryggja að lykilstjórnendur séu á sömu blaðsíðu og hafi nauðsynlegan stuðning og úrræði til að fylgja eftir framtíðarsýninni og einstökum verkefnum.

• 2. Gögn og tæknilegir innviðir

  Gagnainnviðir sem styðja kröfuharðar gagnalausnir. Þetta kallar á öfluga gagnaumsýslu, stjórnarhætti og aðgengi til að tryggja að góð gögn séu tiltæk fyrir notkun gervigreindar. Áhersla á samþættingu gagna þvert á starfsemina.

  Tæknilegir innviðir sem styðja við hagnýtingu gervigreindar, þar á meðal skýjalausnir, ýmis gervigreindarverkfæri og öryggisráðstafanir sem standast nútímakröfur.

• 3. Þekking og fyrirtækjamenning

  Hæfni og þróun starfsfólks. Fjárfesta í aukinni hæfni og endurmenntun starfsfólks til að byggja upp þekkingu á sviði gervigreindar innan allrar starfseminnar. Hvetja til samvinnu þvert á deildir, þar sem blandað er saman sérfræðiþekkingu á viðkomandi sviðum og þekkingu á gervigreind.

  Nýsköpunarmenning. Efla fyrirtækjamenningu sem fagnar nýsköpun, aðlögunarhæfni og stöðugum lærdómi. Stuðla að opnum hug gagnvart breytingum, tilraunastarfsemi og nýjum leiðum.

• 4. Stjórnun, siðferði og regluvarsla

  Setja á fót sterka stjórnarhætti til að hafa virkt eftirlit með gervigreindarverkefnum og tryggja að þau fylgi siðferðislegum viðmiðum, lagalegum skyldum og viðskiptamarkmiðum fyrirtækisins.

  Siðferði og gagnsæi. Koma á ferlum til að greina og draga úr hlutdrægni í gervigreindarlíkönum með það að markmiði að tryggja sanngirni, gagnsæi og ábyrgð í ákvarðanatöku sem byggir á gervigreind.