Þín gervigreind.
Þín gögn.
Þín framtíð.

Hafa samband

Bóka fund

Ari er þín leið til að virkja spunagreindina á sveigjanlegan hátt í þinni starfsemi.

Sett upp á þínum innviðum eða hýst af DataLab. Örugg notkun gagna og gervigreindar tryggð.

Ari tengist þínum texta- og talnagögnum og svarar einungis út frá þeim.

Spjallviðmót sem er einfalt í notkun og aðgengilegt öllum. Ari heldur þræði í samtölum og vísar í heimildir.

Ari fyrir viðskiptavini

Ari getur setið á bak við netspjall og svarað spurningum frá viðskiptavinum byggt á þínum gögnum. Einnig er hægt að útfæra snjalla leit á vefsíðu með Ara.

Ari getur lært að svara upp úr þínum gögnum og vefsíðum á augabragði. Þegar þú vilt taka næsta skref lærir Ari að tala við innri kerfin þín til að leysa sífellt flóknari mál án aðkomu manneskju.

DataLab er í samstarfi við Origo í þróun spjallviðmóts og samþættinga við þjónustuverslausnir og rafræn auðkenni. Þannig tryggjum við vel heppnaða innleiðingu sem byggir á þínum þjónustuferlum.

Ari fyrir starfsfólk

Ari er einstaklega góður í að finna upplýsingar í miklu magni af flóknum gögnum. Þannig eykur hann aðgengi að þekkingu sem falin er í gögnum.

Styttri tími fer í leit, skimun og lestur. Sérfræðingar verða sjálfstæðari og geta sinnt flóknari úrlausnarefnum.

Ari höndlar viðkvæm og aðgangsstýrð gögn - texta og tölur - svo þú getir spjallað áhyggjulaus við þau.

Sérfræðingur í starfseminni

Ari notar risamállíkön (LLM) til að brjóta niður verkefni og velja réttu leiðina til að leysa þau. Ari getur spurt mállíkan út í sérstök atriði, samið SQL fyrirspurn með hjálp mállíkans, kallað í þær vefþjónustur sem henta hverju verkefni, soðið saman upplýsingar úr mismunandi áttum, eða yfirfarið gæði svars áður en því er skilað til notandans.

Með því að nýta risamállíkön á þennan hátt ásamt erindrekinni (agentic) nálgun má kenna Ara að leysa sífellt fleiri og flóknari verkefni. Hann verður því með tímanum alhliða sérfræðingur í starfseminni.

Þú hefur stjórnina

Ari er þróaður til að vera sveigjanlegur og leyfa þér að vera við stýrið í notkun gervigreindar í þinni starfsemi. Ari getur notað þau gervigreindarmódel sem henta best hverju sinni og eftir því hvernig framtíðin þróast. Hægt er að aðlaga Ara að þínum ferlum og gögnum. Þannig er hægt að leysa þau vandamál sem eru mikilvægust.

DataLab sér um að fylgjast með þróuninni og passa að þú sért á réttum stað á réttum tíma.

Samband íslenskra sveitarfélaga þjónustar sveitarfélögin í landinu og vill með gervigreindarlausn frá DataLab efla þjónustuna enn frekar. Mikið álag hefur verið á starfsfólk er snýr meðal annars að upplýsingum um kjarasamninga, réttindi, reglugerðir og lög sem áhrif hafa á sveitarfélögin en með þjónustulausn DataLab getur starfsfólk svarað sveitarfélögum hratt og örugglega sem sparar verðmætan tíma þeirra.

Arnar Þór Sævarsson

Framkvæmdastjóri Sambands íslenskra sveitarfélaga

Við ætlum að stórauka aðgengi starfsfólks bankans að þeim upplýsingum sem það treystir á til að sinna störfum sínum og svara fyrirspurnum viðskiptavina. Þannig fer minni tími í leit að upplýsingum og lestur skjala og meiri tími í að veita enn betri þjónustu.

Arion banki

Hvernig fer innleiðing fram?

Innleiðing fer fram í sex vikna lotum. Í upphafi duga ein til tvær lotur og svo fer það eftir þörfum hvort og hvenær er farið í fleiri lotur. Tæknin þróast hratt og DataLab sér fram á mikil tækifæri í útvíkkun á hæfileikum Ara.

Hægt er að byrja á þarfagreiningu sem nær yfir eina viku þar sem við áttum okkur á þörfunum.