DataLab á UTmessu

Hin árlega UTmessa var haldin í Hörpu í byrjun febrúar.

Þar koma saman helstu sérfræðingar og fyrirtæki landsins á sviði upplýsingatækni, miðla þekkingu og kynna starfsemi sína.

Að þessu sinni var DataLab með bás og erindi á ráðstefnunni. 

Fannar Freyr Bergmann hélt erindið 'Prófanir í heimi spunagreindar' fyrir fullum sal og vakti verðskuldaða athygli. Fannar hefur mikla reynslu af þróun hugbúnaðarlausna sem hagnýta spunagreind. Á undanförnum mánuðum hefur hann og teymi DataLab unnið að þróun skalalegra lausna til að prófa slíkar lausnir. Svið sem kallast 'AI Evals'. Erindið fjallaði einmitt um það.

Á bás DataLab á sýningarsvæðinu var líf og fjör og þar stóðu vaktina þeir Bergur og Sigurður Óli.

Fannar flytur erindi fyrir fullum sal í Hörpu  

Sigurður sýnir listir sínar á bás DataLab og Bergur fylgist grannt með.